Pasiyent Nəticələri
İcazə verilmiş real keyslər — hər biri fərdi yanaşmanın nəticəsidir.
Zirkonium qapaqlarla üst çənə total reabilitasiyası
Dişlərinin rəngindən və estetik görünüşündən narazı olan pasiyentə zirkonium qapaqlarla üst çənə tam bərpa edildi. Rəng pasiyentlə birgə seçildi, 24 saat sonra müvəqqəti qapaqlarla yekun forma və rəng müzakirə edilərək laboratoriyaya təlimat verildi. Paralel olaraq alt çənəyə 3 implant yerləşdirildi, osteointeqrasiya üçün 3 aylıq gözləmə mərhələsi başladı — növbəti mərhələdə alt çənənin total reabilitasiyası planlaşdırılır.
Ön dişlərin vinir ilə tam gülüş dizaynı
Rəng və forma uyğunsuzluğu olan ön dişlər E-max vinirlə tam harmonik gülüşə çevrildi. İki fərqli bucaqdan çəkilmiş əvvəl/sonra görüntüləri.
Travmatik çəkimdən sonra tip 3 implantasiya
Başqa yerdə travmatik diş çəkimindən sonra pasiyent bizə müraciət etdi. CBCT müayinəsindən sonra tip 3 (gecikmiş) implantasiya planlaşdırıldı — 3 aylıq yumşaq toxuma sabitləşmə mərhələsindən sonra 2 implant ksenograft ilə sümük augmentasiyası edilərək yerləşdirildi.
Üst çənənin total reabilitasiyası
38 yaşlı pasiyentin çoxsaylı iltihablı və sınmış kökləri müalicə edilib zirkonium tac ilə tam bərpa olundu.
Qırıq qapaqların E-max press ilə bərpası
43 yaşlı pasiyent illərdir mərkəzi dişlərindəki qırıq qapaqlarla yaşayırdı, düzgün olmayan qapaq-diş əti münasibəti daimi qoxuya səbəb olurdu. Köhnə qapaqlar çıxarıldı, altındakı kariyes təmizlənib bərpa edildi, chamfer yonumla öz dişlərinə birə-bir uyğun estetik E-max press qapaqlar hazırlandı.
Uğursuz kanal müalicəsinin təkrar bərpası
Natamam müalicə və kök ucundakı lezyon ADA protokolu ilə təkrar müalicə edilərək tam sağaldı.
Böyük kistin qeyri-cərrahi müalicəsi
18 yaşlı pasiyent başqa dişdəki ağrı ilə müraciət etdi, təsadüfən panoramik rentgendə mandibula ön bölgədə lezyon aşkarlandı. CBCT müayinəsində 31 və 32 dişlərin apeksində iri ölçülü qeyri-odontogen kist diaqnozu qoyuldu — dişlər vital idi. Cərrahi müdaxilə əvəzinə atravmatik yanaşma seçildi: kanal müalicəsi ilə qeyri-cərrahi müalicə aparıldı. 12 ay sonra kista tam sağaldı, sümük strukturu bərpa oldu.
Dişin hemiseksiya ilə xilas edilməsi
Başqa klinikada zədələnmiş kök cərrahi yolla ayrıldı, diş çəkilmədən qorunub bərpa edildi.